Mashtroi qytetarin dhe i mori 5 mijë euro, arrestohet 48-vjeçari në Tiranë (EMRI)

Aurel Ostreni 48- vjeç nga Tirana, është arrestuar sot nga policia, pasi akuzohet për mashtrim.

Sipas njoftimit nga policia,  48-vjeçari ishte shpallur në kërkim, pasi Gjykata e Rrethit Gjyqësor Tiranë e ka dënuar me 2 vjet burgim, për veprën penale “Mashtrimi”.

Dyshohet se Ostreni, nëpërmjet mashtrimit, ka përfituar shumën prej 5 000 eurosh nga një qytetar tjetër, me pretendimin se do t’i blinte atij një automjet.

Pritet të zbardhen detaje pas marrjes në pyetje të të arrestuarit dhe qytetarit që ra pre e mashtrimit.

Materialet i kaluan Prokurorisë, për veprime të mëtejshme.