Dy persona kanë rënë sot në prangat e policisë në Tiranë. Bëhet fjalë për personat e identifikuar me iniciale P. L., banues në Pezë Helmës, i dënuar më parë për vjedhje; Gj. H., banues në Kamzë, i dënuar më parë për armëmbajtje pa leje.
Arrestimi i të rinjve është bërë në kuadër të operacionit të koduar “Parandalimi”.
P. L dhe Gj. H., janë kapur në Pezë Helmës duke udhëtuar me automjetin tip “Volkswagen”. Gjatë kontrollit të automjetit, shërbimet e Policisë gjetën dhe sekuestruan, në cilësinë e provës materiale një armë zjarri kallashnikov, dy krehra, veshje dhe sende të tjera. Nga veprimet hetimore dyshohet se këta shtetas po përgatiteshin për të kryer vjedhje në një banesë.
Materialet i kaluan Prokurorisë, për veprime të mëtejshme procedurale.
Discussion about this post