Një farmaci në Vlorë është përfshirë nga flakët mëngjesin e sotëm. Burime nga policia bëjnë me dije se ngjarja ka ndodhur gjatë natës, në bulevardin “Ismail Qemali”.
Të njëjtat burime gjithashtu bëjnë me dije se si pasojë e zjarrit subjekti privat “Farmaci” është djegur pjesërisht.
Subjekti rezulton të jetë në administrim të personit të identifikuar me iniciale R. I. Raportohet se janë shkaktuar vetëm dëme materiale dhe jo në njerëz.
Pritet të zbardhen detaje pas këqyrjes së kamerave të vendosur na subjekt, për të mësuar nëse zjarri është vendosur nga dikush apo është shkaktuar në rrethana të tjera.
Grupi hetimor po punon për zbardhjen e rrethanave të ngjarjes dhe shkakut të rënies së zjarrit.
Discussion about this post