Idajet Beqiri ka kallëzuar sot në SPAK, kryetarin e Partisë së Lirisë Ilir Metën dhe bashkëshorten e tij Monika Kryemadhin.
Beqiri akuzon çiftin se kanë fshehur të ardhurat ndërkohë që janë shpenzuar shuma të mëdha parash për operacione plastike.
Në padinë e tij, Beqiri radhit dy raste kur sipas tij Meta dhe Kryemadhi kanë kryer trajtime mjekësore me vlera kolosale. Trajtimi për Kryemadhin është bërë në San Marino me një vlerë rreth 290 mijë euro, kurse Meta është trajtuar në Vjenë përgjatë viteve 2013-2014. Referimi penal është shoqëruar edhe me një transaksion bankar me vlerë 287 mijë euro, përmes një kompanie offshore, për shërbime estetike në fytyrën e Monika Kryemadhit.
Pjesë e padisë janë edhe dy fëmijët e çiftit Meta, Besari dhe Bora.
Fotografitë e Monika Kryemadhit para dhe pas ndërhyrjeve estetike nuk lënë vend për dyshime sa i takon ndryshimit drastik. Paratë e shpenzuara, ashtu si paratë e hedhura për lobim, nuk janë deklaruar në ILDKP. Ndërkaq, në kallëzim thuhet se Silva Shametaj është doktoresha që ka ndjekur Monika Kryemadhin për ndërhyrjet estetike në fytyrë, ndonëse Kryemadhi ka deklaruar se bukurinë e ka trashëguar nga mamaja. Kryemadhi, në 15 mars 2020, ka gjetur rastin për të vlerësuar mjeken Silva Shametajn për punën dhe sakrificën e saj në klinikën e San Marinos.
Discussion about this post