Presidenti Meta ka folur për herë të parë pas dorëheqjes së Lulzim Bashës si kryetar i PD pas vizitës në Kryegjyshatën Bektashiane për festën e Novruzit.
I pyetur nga gazetarët, nëse me festën e Novruzit po vjen pranvera dhe për opozitën, Meta preferoi t’i shmangej pyetjes duke thënë se nuk ishte momenti i përshtatshëm.
“Pranvera është për të gjithë qytetarët, për të gjithë shqiptarët, pranvera ka lule, është gjithëpërfshirëse. Këtu jemi për pranverën, dhe unë e dua shumë pranverën, pasi edhe kam lindur në pranverë, nuk është ndonjë sekret që të them që unë emrin e dytë nga gjyshja e kam Novruz. Nuk kam asnjë përgjigje për këtë, këto pyetje nuk kanë vend këtu në dyert e kryegjyshatës”, tha Meta.
Kujtojmë se marrëdhëniet mes Bashës dhe Metës kanë qenë të tensionuara kohët e fundit pasi Basha zgjodhi të sulmonte Metën, Berishën dhe Ramën duke i quajtur si “Trekëndëshi i Bermudës”.
Discussion about this post