Ndërhyrja me helikopter ka bërë të mundur shpëtimin e 4 alpinistëve të bllokuar në Majën e Zhaporres, në Valbonë. Alpinistët kishin mbetur të bllokuar në mal që prej orës 18:00, gjatë eksplorimit të zonës ndërsa njëri prej tyre kishte lënduar dhe këmbën. Aktualisht, 2 të dëmtuarit po transportohen me helikopter, drejt Spitalit të Traumës, Tiranë, ndërsa 2 shtetasit e tjerë, që po u vinin në ndihmë të dëmtuarve, ndodhen të akomoduar dhe në gjendje të mirë shëndetësore.
Sipas Ministrisë së Mbrojtjes, alpinistët ishin bllokuar në 2328 m lartësi. Policia në reagimin e saj, sqaroi se terreni i thepisur e vështirësonte ndërhyrjen me automjete, ndërsa lindte domosdoshmëria e ndërhyrjes nga ajri.
Discussion about this post