Ish deputeti socialist Alqi Bllako do të merret sot në pyetje nga SPAK lidhur me implikimin në aferën e inceneratorët të Fierit, për të cilën është vënë në pranga prej disa ditësh. Mësohet se marrja në pyetja do të nisë në orën 13:00, ndërsa prej disa ditësh ai ndodhet në burgun 313.
Bllako do pyetet në praninë e avokatit të tij mbrojtës, ku do i administrohet e gjitha dëshmia për hetimin e kësaj çështjeje. Burime bëjnë me dije se grupi hetimor po këmbëngul që të bëjë bashkëpunëtorë një nga personat e arrestuar dy javë më parë, lidhur me aferën e inceneratorit të Fierit.
Kujtojmë se Bllako përfundnoi në pranga pasi në dosjen e SPAK rezulton si i përfshirë në aferën e inceneratorët të Fierit, ku sëbashku me ish-ministrin Lefter Koka kanë kryer një sërë shkeljesh në përfitim të shumave monetare.
Ai akuzohet se ka favorizuar kompaninë fituese të inceneratorit të Fierit, ka bërë shpronësimin e tokës ku do ndërtohej inceneratori nga “tokë arë” në “tokë truallë” si dhe ka siguruar një punësim fiktiv të babit të tij që paguhej 6 mijë euro në muaj. Vetë Bllako ka mohuar përfshirjet në skandal, ndërsa fjalën e fundit do ta thotë drejtësia.
Discussion about this post