Një person ka hipur tek skelat e Muzeut Kombëtar në qendër të Tiranës dhe kërcënon se do të hidhet nga lartësia nëse nuk i firmoset një kontratë pune. Siç raporton gazetarja Xhensila Kodra, policia ka shkuar në vendngjarje dhe po negocion me të.
Siç shihet nga pamjet, qytetari është ngjitur në skela, që shërbejnë për rikonstruktimin e godinës së muzeut. Policia bën me dije se kanë marrë njoftim rreth orës 09:30 se një qytetar, i identifikuar si Admir Jahelezi, rreth 40 vjeç kërcënon të hidhet nga lartësia. Në vendin e ngjarjes janë gjithashtu shërbimet e ambulancës dhe zjarrfikëses.
Njoftimi i policisë:
Rreth orës 09:30, Salla operative ka marrë njoftim se në Qendër, tek “Muzeu Kombëtar i Tiranës” shtetasi A. J., po tenton të hidhet nga lartësia e një ndërtese aty në afërsi.
Menjëherë në vendngjarje kanë shkuar shërbimet e Policisë të cilit po negociojnë me shtetasin A. J., për zbritjen e tij.
Gjithashtu në vendngjarja janë shërbimet e ambulancës dhe zjarrfikëses.
Grupi hetimor punon për sqarimin e rrethanave të ngjarjes.
