Ka ndërruar jetë në spital ish-kryeministri i Japonisë, Shinzo Abe, pas atentatit të frikshëm gjatë një takimi elektoral. Ai u qëllua teksa po mbante një fjalim në qytetin jugor ne Nara. Në lidhje me ngjarjen, policia ka arrestuar një 41-vjeçar Tetsuya Yamagami, banues në Nara. Raportet e mediave lokale thonë se ai besohet të jetë një ish-anëtar i Forcës Vetëmbrojtëse Detare të Japonisë, ekuivalenti i marinës japoneze.
Ndërkohë momentin e sulmit, kryeministri japonez u rrëzua menjëherë në tokë dhe u dërgua me urgjencë në spitalin më të afërt.
Abe ka thyer rekordet si kryeministri më jetëgjatë i Japonisë. Ai ka shërbyer për një vit më 2006 dhe më pas përsëri nga viti 2012 deri më 2020. Atëbotë, ai ka dhënë dorëheqje për arsye shëndetësore. Më vonë ka zbuluar se i është kthyer koliti ulceroz – një sëmundje e zorrëve. Abe është pasuar nga aleati i tij i ngushtë i partisë, Yoshihide Suga, i cili më vonë është zëvendësuar nga Fumio Kishida. Incidentet me armë zjarri janë të rralla në Japoni. Armët e dorës atje janë të ndaluara.
Discussion about this post