Është vendosur se kush do të jetë koalicioni i opozitës në zgjedhjet e 14 majit.
Emri i koalicionit opozitar është “Bashkë fitojmë”. Në të bëjnë pjesë Partia e Lirisë e Ilir Metës, PBDDNJ e Vangjel Dules dhe PDK e Nard Ndokës.
Kandidatët që do garojnë janë ata të primareve të dalë nga PD e Berishës. Shkronjat nistore të koalicionit do të jenë: BF.
Kërkesën për regjistrim e dërgoi në Komisionin Qendror të Zgjedhjeve, nënkryetari i Partisë së Lirisë, Endrit Braimllari. Ai u shpreh për gazetarët se ky koalicion bashkon të gjithë qytetarët.
Pyetje: “Bashkë Fitojmë”, çfarë do të fitojë PL me PD të rithemelimit ditën e sotme, aleanca u zyrtarizua me këto parti.
Endri Brahimllari: E para kemi depozituar sipas afatit ligjor koalicionin “Bashkë Fitojmë”. Është koalicioni fitues në zgjedhjet vendore të 14 Majit. Koalicioni që bashkon të gjithë qytetarët dhe kam bindjen maksimale që ky koalicion, “Bashkë Fitojmë” është koalicioni i qytetarëve është për qytetarët dhe do të jetë tmerri i vërtetë i rilindjes më 14 Maj.
Discussion about this post