Përfshihet nga flakët pallati në zonën e “Ali Demit”

Një pallat është përfshirë nga flakët pasditen e kësaj të hëne, në Tiranë. Ngjarja ka ndodhur në zonën e “Ali Demit” , në kryeqytet. Mësohet se nga zjarri në pallat ka pasur dëme të shumta materiale, si thyerje xhamash etj.

Bëhet me dije se banorët menjëherë pas zjarrit janë evakuuar ndërsa kanë shfaqur probleme të shumta shëndetësore. Burime bëjnë me dije se banorët kanë shfaqur shenja asfiksie.

Dëshmitarët në ngjarje shprehen se forcat zjarrfikëse janë vonuar rreth 45 minuta, në një kohë që zjarri ka marrë përmasa të mëdha.