Skuadra e Prishtinës luajti sot ndeshjen e kthimit në Conference League ndaj Bodo Glimt, që përfundoi me rezultatin final 2-0 në favor të vendasve duke shuar në këtë mënyrë shpresën e kosovarëve për vazhdimin më tej të kësaj aventure.
Bardheblutë udhëtuan në transfertë me rezultatin 2-1 në favor të sfidës së parë në fushën e vet por Bodo Glimt realizoi përmbysjen e madhe.
Trajneri Zekerija Ramadani ka vendosi të hedhë në fushën e lojës përsëri 6 futbollistë të cilët në të kaluarën kanë qenë pjesë e Kategorisë Superiore,. Kështu, nga minuta e parë luajnë Haxho në portë; Vangjeli, Mici e Krasniqi në mbrojtje; Avdyli në mesfushë e Oto Xhon në sulm.
Pjesa e parë foli e gjitha në favor të vendasve, ku goli i parë u realizua nga Botheim. Ai mori një pasim të Vetlesen dhe dërgoi topin në rrjetë. Vendasit kishin mundësi të dyfishonin, por Berg gabon nga penalltia, për ti lënë shifrat nëe 1-0 në përfundimin e pjesës së parë.
Sërisht në pjesën e dytë, kampionët e Norvegjisë realizojnë edhe golin e dytë me Botheim, i cili shënon dopietë. Me një gjuajtje të saktë brenda zonës, sulmuesi e ka dërguar topin në trekëndshin e Haxhos, për ti dërguar vlerat e përgjithshme të ndeshjes në 3-2, duke shuar çdo shpresë të Prishtinës për kualifikimin e mëtejshëm në Conference League.
