Një aksident i rëndë është shënuar mbrëmjen e sotme në aksin rrugor Tepelenë-Gjirokastër. Burime nga policia bëjnë me dije se janë përplasur 3 makina në vendin e quajtur “Ura e Subashit”.
Ngjarja ka ndodhur rreth orës 19:40. Më konkretisht janë përfshirë në aksident rrugor automjetet tip “Audi”, “Volkswagen” dhe “Ford”, automjeti tip “Ford” pas përplasjes ka dalë nga rruga.
Për pasojë kanë mbetur të dëmtuar drejtuesi i automjetit tip “Ford” dhe pasagjerja që ndodhej në këtë automjet, të cilët u transportuan për në spitalin Rajonal Gjirokastër për të marrë ndihmën mjekësore.
Në vendngjarje ndodhet dhe grupi hetimor që po punon për zbardhjen e shkaqeve të aksidentit.
Discussion about this post