Të shtëna me armë zjarri kanë tronditur vendin mëngjesin e sotëm. Pas vrasjes në Shkodër, për një konflikt banal, një plagosje me armë zjarri është shënuar vetëm pak minuta më parë pranë autostradës në Laç.
Gijotina.com ka siguruar emrin e të plagosurit. Besim Zeneli 60 vjeç, banues në fshatin Shullaz është plagosur, për arsye dhe rrethana që nuk dihen ende dhe është transportuar në gjendje të rëndë në spitalin e Traumës në Tiranë.
Policia ka shoqëruar disa persona, të cilët do të merren në pyetje lidhur me ngjarjen. Nuk dihen ende shkaqet e ngjarjes së rëndë apo autori.
Gjithashtu pritet të zbardhen detaje, për të mësuar nëse kemi të bëjmë me një atentat të mirëorganizuar apo një konflikt të çastit që ka agravuar në përdorimin e armëve të zjarrit.
Gijotina.com do t’iu mbajë të përditësuar me informacionet më të fundit lidhur me këtë ngjarje.
Discussion about this post