Një konflikt i çastit për pak ka përfunduar në vrasje pasditen e sotme në Durrës. Burime nga policia bëjnë me dije se është parandaluar një ngjarje kriminale.
Një 56- vjeçar është arrestuar nga policia pasi ka qëlluar me armë zjarri drejt fqinjit të tij pas një konflitki banal.
Bëhet fjalë për personin e identifikuar me iniciale L.P., i cili ka qëlluar me armë zjarri në drejtim të 40- vjeçarit me iniciale K. J., , për ta vrarë,
K. J., gjatë të shtënave, ka arritur të largohet me automjet dhe si pasojë është dëmtuar vetëm automjeti i tij nga të shtënat.
Policia gjeti dhe sekuestroi në cilësinë e provës materiale, armën e zjarrit tip kallashnikov dhe 2 krehëra me fishekë luftarakë në to. Vijon puna nën drejtimin e Prokurorisë, për zbardhjen e plotë të rrethanave të ngjarjes.
Materialet i kaluan Prokurorisë pranë Gjykatës së Rrethit Gjyqësor Durrës për veprime të mëtejshme, për veprat penale “Vrasja me dashje”, mbetur në tentativë dhe “Mbajtja pa leje e armëve, armëve shpërthyese dhe municionit”.
Discussion about this post