Një sherr masiv ka ndodhur në një lavazh në Bulqizë ku dy persona janë vënë në pranga, ndërsa dy të tjerë janë shpallur në kërkim për plagosje të rëndë me dashje në Bulqizë. Sipas njoftimit të policisë, incidenti ka ndodhur në lagjen “Gjeologu”, në ambientet e një lavazhi.
Nga hetimet e kryera rezulton se B. Ç., M. P., D. Ç., dhe S. C., kanë shkuar në ambientet e lavazhit të E.T., dhe pas një konflikti për motive të dobëta kanë goditur me sende të forta E. T., 34 vjeç, dhe D.T., 25 vjeç, duke u shkaktuar dëmtime në trup. Të lënduarit ndodhen në spital, jashtë rrezikut për jetën.
Në pranga për rastin janë vënë B. Ç, 26 vjeç dhe M.P., 27 vjeç, banues në Bulqizë, ndërsa në kërkim janë shpallur D. Ç, 29 vjeç; S. C.,26 vjeç, të cilët pas mbërritjes së policisë në vendin e ngjarjes kanë arritur të largohen. Materialet procedurale i kaluan Prokurorisë pranë Gjykatës së Shkallës së Parë Dibër për veprime të mëtejshme.
Discussion about this post