Sherri familjar kthehet në tragjedi, 34-vjeçari vret 10 persona

Një sulm me armë zjarri është shënuar ditën e sotme në Malin e Zi, ku të vdekur kanë mbetur 10 persona.

Autori është një 34- vjeçar i cili sipas mediave vendase, ka qëlluar për vdekje 10 persona në Cetinje. Ngjarja ka ndodhur pas një sherri familjar.

I vdekur ka mbetur edhe autori, pasi hapi zjarr ndaj disa personave, mes tyre edhe policë.

Sipas informacioneve ende jozyrtare, sulmuesi qëlloi disa persona në vendbanimin Medovina pas një debati në shtëpinë e familjes.

Mes të plagosurve është edhe një polic. Sipas informacioneve të marra nga Pobjeda, sulmuesi nuk ka të kaluar kriminale. Policia ende nuk ka dhënë një deklaratë zyrtare për këtë rast.