Një incident i rëndë ka ndodhur mbrëmjen e sotme. Një zjarr i madh është përhapur në lagjen “Kadri Qystri” në Lushnje. Lidhur me ngjarjen bëhet me dije se zjarri është ndezur nga një qytetar për të djegur barishtet e bahçes.
Gjithashtu mësohet se, flakët u përhapën aq shumë dhe dolën jashtë kontrollit duke djegur tërësisht banesën private të tij. Policia shoqëroi në komisariat qytetarin L.Mezini, personin që ndezi barishtet dhe dogji shtëpinë.
Zjarri është përhapur, ndërsa banorët kanë dalë të alarmuar nga shtëpitë.
Së fundmi, në vendngjarje kanë shkuar forcat e zjarrfikësve dhe po përpiqen për të shuar zjarrin.
Discussion about this post