Të shtëna me armë në Malësinë e Madhe. Plagoset një person

Një plagosje me armë zjarri është regjistruar në Malësinë e Madhe.

Mesohet se i plagosuri është një emigrant nga vendet e botës së tretë.

Ngjarja ka ndodhur në fshatin Bajze. Policia është nisur drejt vendit të ngjarjes. Ende nuk dihen detajet e plagosjes.

Njoftimi i policise:

Malësi e Madhe/Informacion paraprak

Në afërsi të stacionit hekurudhor, në fshatin Fermë, Malësi e Madhe, në rrethana ende të paqarta, 4 shtetas nga vendet e treta janë konfliktuar me disa shtetas ende të paidentifikuar dhe për pasojë ka mbetur i plagosur me armë zjarri, shtetasi afgan A. Z., 17 vjeç.

Shërbimet e Policisë ndodhen në vendin e ngjarjes, po këqyrin zonën dhe po marrin në pyetje 3 shtetasit që ishin me 17-vjeçarin, i cili është dërguar në spital, për mjekim.

Grupi hetimor vijon punën për sqarimin e rrethanave të ngjarjes, identifikimin dhe kapjen e shtetasve të përfshirë në konflikt.