Të shtëna me armë zjarri në Tiranë. Një 50-vjeçar ka mbetur i plagosur këtë pasdite në zonën e Don Boskos në Tiranë. Paraprakisht mësohet se i plagosuri me iniciale A.Sh., ka marrë një plumb në gjoks, e se më pas ka shkuar vetë në spital për të marrë ndihmën e parë mjekësore. Deri më tani, nuk dihet se si është gjendja e tij shëndetësore. Ndërsa policia njofton se dyshohet që 50- vjeçari është vetëplagosur me armën.
“Më datë 29.06.2022, është paraqitur në Spitalin e Traumës për ndihmë mjekësore shtetasi A. Sh., 50 vjeç. Sipas verifikimeve paraprake dyshohet se është vetëplagosur me armë zjarri në banesë. Grupi hetimor po punon për sqarimin e rrethanave të ngjarjes”, njofton policia.
Ende nuk dihet si ka ndodhur ngjarja, pritet të zbardhen detaje të reja në vijim.
Discussion about this post