Panik në Lezhë/ I panjohuri hedh granatën në mes të lokalit dhe largohet

Një shpërthim me lëndë plasëse ka tronditur sot Lezhën. Burime për gijotina.com bëjnë me dije se rreth orës 12:30 është hedhur granatë jashtë një lokali.

Ngjarja është regjistruar në lagjen “Beslidhja”, ndërsa raportohet se shpërthimi nuk ka qenë shumë i fortë, por ka shkaktuar panik te qytetarët të cilët ndodheshin brenda lokalit.

Ata kanë dalë menjëherë jashtë të tronditur, por fatmirësisht nuk ka persona të lënduar.

Nuk dihet sasia dhe lloji i lëndës plasëse të hedhur, e po ashtu nuk ka ende asnjë informacion në lidhje me autorin. Zona është e pajisur me kamera që mund të ndihmojnë hetuesit në zbardhjen e ngjarjes.