Një nga 6 turistët holandezë që ranë nga Mali i Çikës po transportohet drejt Traumës.
Ndërsa 5 të tjerët janë duke u shoqëruar për në Orikum nga policia .
Turisti ka qenë duke u hedhur me parashutë teksa mësohet se është përplasur më pemën dhe më pas është rrëzuar përtokë.
Turisti lëshoi sinjalin SOS, në ndihmë te tij kanë shkuar forcat e policisë së Deltës së Orikumit por dhe nje helikopter.
Një rast i ngjashëm u raportua disa ditë më parë, në alpet mes Valbonës dhe Thethit.
Katër turistë, gjatë ecjes në këmbë (hiking), humbën rrugën dhe ranë në një greminë.
Dy u transportuan në gjendje të rëndë shëndetësore.
Aksidentet në alpe janë një fenomen i shpeshtë për shkak të terrenit të vështirë si edhe faktit që frekuentohen nga një numër i madh vizitorësh thuajse gjatë gjithë vitit. Në një aksident të ngjashëm ndërroi jetë edhe alpinisti Ndoc Mula.
Discussion about this post