E rëndë/ U rrëzua nga bordura e Kuzum Baba-së, vdes në vend 40- vjeçari

Një ngjarje e rëndë është shënuar ditën e sotme në Vlorë. Burime nga policia bëjnë me dije se një 40- vjeçar ka humbur jetën.

Ngjarja është raportuar rreth orës 16:30 në lagjen “Hajro Çakërri”, Vlorë, në shkallët e Kuzum Baba-së.

40- vjeçari nuk është identifikuar ende, ndërsa policia dyshon se është rrëzuar aksidentalisht nga lartësia e një bordure e për pasojë ka ndërruar jetë.

Nuk dihet ende nëse ngjarja ka patur dëshmitarë të tjerë të cilët pritet të merren ën pyetje nga policia, për të zbuluar rrethanat e ngjarjes. Kjo është ngjarja e dytë e shënuar brenda pak minutash ku dy persona humbin jetën aksidentalisht.

Rasti i parë u shënua pak minuta më parë në Vaun e Dejës ku një 14- vjeçar humbi jetën pasi ra në kontakt me rrymën elektrike.