Ish kreu i bandës së Durrësit, Indrit Dokle është liruar nga komisariat i policisë në Tiranë. Burime pranë gijotina.com konfirmuan se Dokle është mbajtur në qeli për rreth 8 orë. Të njëjtat burime bëjnë me dije se, kundërshtari i të shumëkërkuarit Ervis Martinaj është shoqëruar në mëngjes dhe është liruar në orët e pasdites.
Ai qarkullonte në mjetin e tij me persona që kanë precedentë penale, ndaj edhe mjeti i tij është ndaluar për verifikim. U zbulua se me të po udhëtonte Fatjon Murati. Emri i këtij të fundit ishte në listën e 6 personave ishin kërkuar të merreshin në pyetje nga Prokuroria e Kurbinit, për masakrën e Fushë Krujës.
Në listë bënin pjesë: Ramazan Rraja, nipi i deputetit të Partisë Socialiste Rrahman Rraja; Indrit Dokle; Fatjon Murati dhe Gentjan Reçi. Po ashtu në listë për t’u marrë në pyetje ishin miqtë e Ramazan Rrajës, Alesio Dobrozi dhe Rohan Brahimi (Prendi).
Mirëpo, Policia nuk ka ende një njoftim zyrtar lidhur me ngjarjen, edhe pse deri më tani është bërë me dije se po merret në pyetje nga uniformat blu të kryeqytetit.
Discussion about this post