Gjykata ka dhënë masën e sigurisë “arrest me burg” për tre policët e komisariatit të Kavajës, pas vdekjes së 31-vjeçarit Ilvi Meta. Gjykata ka lënë në burg Petrit Berhamaj, Bexhet Berberi dhe Rushit Kola pasi akuzohen për shpërdorim detyre.
Ngjarja e rëndë ndodhi para pak ditësh ku Meta ishte shoqëruar në Komisariatin e Kavajës, i akuzuar për vjedhje. Në rrethana të paqarta ai i dha fund jetës së tij, duke u vetëvarur.
Megjithëse hetimet paraprake për ndarjen nga jeta të 31-vjeçarit Ilvi Meta, brenda komisariatit të Kavajës, treguan se kemi të bëjmë me një vetëvrasje familjarët ngrenë hije dyshimi duke hedhur akuza të forta drejt policisë për vrasje.
Discussion about this post