Prokuroria e Elbasanit ka përfunduar hetimet dhe ka dërguar në Gjykatë dosjen për vrasjen e Ylber Xhahysës, ngjarje e ndodhur një vit më parë. I pandehur për krimin në fjalë është marrë Leonard Bashaliu.
Autori dhe viktima ishin të njohur dhe miq me njëri-tjetrin, por mëngjesin e 8 qershorit të vitit të kaluar u konfliktuan për motive të dobëta.
44-vjeçari Xhahysa shkoi pranë banesës së 36-vjeçarit Bashaliu në fshatin Gjoçaj për tu sqaruar, por fqinji e priste me armë zjarri në dorë. Bashaliu e qëlloi dhe pavarësisht se u dërgua në spital, 44-vjeçari nuk mundi tu mbijetonte plagëve të marra. Vetë Xhahysa ka thënë se nuk donte që ta vriste bashkëfshatarin e tij, por ai e kishte ofenduar vazhdimisht.
Discussion about this post