Një ekzekutim me armë zjarri ka tronditur mëngjesin e sotëm në Shkodër. Viktima është identifikuar me emrin Nazmi Bandulla 55- vjeç.

Ngjarja ka ndodhur në lagjen “Partizani” , ku Bandulla është qëlluar me breshëri plumbash në lagje pranë banesës së tij.

Nga hetimet paraprake dyshohet se kemi të bëjmë me një atentat të mirëorganizuar, pasi autorët janë larguar nga vendi i ngjarjes.

Ndërsa Bandulla është një person i njohur për drejtësinë me rekorde kriminale.

Në vitin 2020 atij i vendosën tritol në makinë, ndërsa 3 muaj më parë, ai ishte arrestuar në flagrancë pasi, pak para mesnatës së shtatorit, ka kërcënuar me armë zjarri tip pistoletë, pas një konflikti për motive pronësie, vëllanë e tij të identifikuar si A. Bandulla. 38-vjeç, i cili banon në të njëjtën ndërtesë me autorin.

Ngjarja ndodhi në lagjen “Partizani” të qytetit të Shkodrës, teksa policia njoftonte se e kishte arrestuar në flagrancë 55-vjeçarin.

Shërbimet policore, së bashku armën e zjarrit tip pistoletë Bareta, me një fishek në fole, sekuestroi edhe 38 copë fishekë, te kalibrit 9mm, në cilësinë e provës materiale”.

Policia ka shkuar në vendin e ngjarjes.