Nuk kanë kaluar 24 orë nga dy vrasjet që tronditën vendin ditën e djeshme në Sarandë dhe Elbasan, ndërsa një tjetër është raportuar mëngjesin e sotëm në Vlorë, ku janë vrarë dy persona të identifikuar me emrat Shpati Lena dhe Hakim Xhezo ndërsa një tjetër është plagosur.
Nga hetimet paraprake të gijotina.com dyshohet se kemi të bëjmë me një atentat të mirëorganizuar pasi autorët që dyshohet se janë 3, kanë djegur mjetin e krimit në fshatin Frakull të Fierit për të humbur gjurmët.
Shpati Lena nuk është i panjohur për policinë pasi ai ka bashkëpunuar me vëllain e viktimës tjetër Hakim Xhezos, Eduart Xhezon për vrasjen e biznesmenit Arben Beqirajn në vitin 2019, pas sherrit se kali në pronësi të Xhezos kishte kaluar para lokalit të viktimës, Beqirajt.
Kjo është pista paraprake e hetimeve nga policia, ndërsa pritet të zbardhen detaje në vijim.
Ngjarja ka ndodhur në fshatin Panaja në afërsi të mbikalimit, ku viktimat kanë qenë duke udhëtuar me një makinë tip “Benz”. Autorët kanë hapur zjarr duke i lënë të vdekur ndërsa një tjetër ka mbetur i plagosur. Ndërkohë një makinë është gjetur e djegur në Frakull të Fierit, e cila dyshohet se i përket autorëve të krimit.
Dyshohet se kemi të bëjmë më një atentat mafioz, ndërsa policia po punon për të identifikuar e autorët. Kjo është vrasja e tretë e ndodhur brenda 24 orëve në vend ku dy u shënuan ditën e djeshme në Sarandë dhe në Elbasan.
Gijotina.com do t’iu mbajë të përditësuar lidhur me informacionet më të fundit për këtë ngjarje.
Kush janë “Bushi” dhe “Shpati”?
Mësohet se Lena është një emër i njohur për drejtësinë pasi ka qenë njëri prej autorëve të dyshuar për vrasjen e biznesmenit Arben Beqiri në vitin 2019 për të cilën u la në burg Eduard Xhezo i cili është vëllai i Hakim Xhezos që u ekzekutua ditën e sotme.
Lena është arrestuar në mars të këtij viti pasi ishte shpallur në kërkim prej vitit 2019. Ndërsa ndaj tij u mor vendimi për detyrim paraqitje sa i takon përfshirjes në vrasjen e biznesmenit Arben Beqirit.
37 vjeçari Lena i cili njihet si një prej “të fortëve” të Vlorës, u përfshi në konfliktin që ndodhi pas rrahjes së Gazment Alushit në nëntor të vitit 2019, sherr që më pas solli edhe vdekjen e Arben Beqirit.
Pistat e hetimit/ Hasmëria
Mësohet se Lena është një emër i njohur për drejtësinë pasi ka qenë njëri prej autorëve të dyshuar për vrasjen e biznesmenit Arben Beqiri në vitin 2019 për të cilën u la në burg Eduard Xhezo i cili është vëllai i Hakim Xhezos që u ekzekutua ditën e sotme.
Lena është arrestuar në mars të këtij viti pasi ishte shpallur në kërkim prej vitit 2019. Ndërsa ndaj tij u mor vendimi për detyrim paraqitje sa i takon përfshirjes në vrasjen e biznesmenit Arben Beqirit.
37 vjeçari Lena i cili njihet si një prej “të fortëve” të Vlorës, u përfshi në konfliktin që ndodhi pas rrahjes së Gazment Alushit në nëntor të vitit 2019, sherr që më pas solli edhe vdekjen e Arben Beqirit.
Pista e dytë është ajo e pazareve të drogës
Hakim dhe Eduari Xhezo, i arrestuar për vrasjen e Arben Beqirajt kanë qenë subjekte të Operacionit Forca e Lligjit. OFL më Korrik 2020 u nisi kërkesat me shkrim për vetëdeklarimin e burimeve të pasurisë, dy vëllezërve Eduart dhe Hakim Xhezo. Sipas OFL, ndaj Eduart Xhezo, Gjykata e Rrethit Gjyqësor Vlorë ka vendosur masën e sigurisë “Arrest në burg”, për vrasjen e biznesmenit Arben Beqiraj në Vlorë. Ndërsa Hakim Xhezo, rezulton i dënuar nga Gjykata e Rrethit Gjyqësor Vlorë, për veprën penale “Prodhimi dhe shitja e narkotikëve”. Për këtë arsye nuk përjashtohet edhe kjo pistë hetimi.
Discussion about this post