Zjarri në Astir, ekspertiza: Dyshohet se ishte i qëllimshëm

Zjarri me 8 persona të plagosur në një pallat në Astir dyshohet se është vënë qëllimisht në një prej makinave në garazhin e ndërtesës.

Këto janë rezultatet e para të dala nga hetimet paraprake nga ekspertiza në vendin e ngjarjes.

Nga zjarri  janë lënduar tetë banorë, të cilët kanë shkuar për mjekim në spital. Pasi kanë marrë ndihmën mjekësorë janë larguar nga spitali.

Ndërsa katër makina janë shkrumbuar. Sipas policisë zjarri ka shpërthyer në garazhin e pallatit në , në Unazë të Re, në rrugën “Aleksandri i Maqedonisë”.

Si pasojë e zjarrit, janë dëmtuar lehtë dhe kanë shkuar për mjekim në spital personat e identifikuar me iniciale A. Xh., 28 vjeçe, F. J., 23 vjeçe, D. J., 27 vjeçe, I. Xh., 31 vjeçe, E. Xh., 27 vjeç, E. K., 35 vjeçe, M. B., 48 vjeçe dhe N. B., 50 vjeç, të cilët pasi kanë marrë ndihmën e parë mjekësore, janë larguar.

Grupi hetimor po punon për sqarimin e rrethanave të ngjarjes.