Vatrat e zjarrit që kanë përfshirë disa fshatra të Selenicës vijojnë të marrin përmasa dhe më të mëdha. Mësohet se flakët në fshatin Dushkarak, jo vetëm po përhapen me shpejtësi por dhe po shkaktojnë shpërthime municionesh në zonë.
Dyshohet se në zonë ka mbetje armatimesh, të cilat kanë shpërthyer gjatë përhapjes së zjarrit. Zhurma të fuqishme shpërthimesh janë dëgjuar nga banorët e zonës, të cilët ndihen të pasigurtë për jetën e tyre.
Zjarrfikëset kanë mbërritur në vendngjarje, por era e fortë që ka përfshirë sot vendin po i favorizon më shumë flakët.
Më herët, Ministria e Mbrojtjes raportoi se në vend janë aktive disa vatra zjarri, duke theksuar si zonat më me rrezik Krujën, Durrësin dhe Shkodrën. Ndërsa prej ditësh vazhdon zjarrin në Kurbin, duke djegur disa hektarë pyje dhe kullota.
Discussion about this post