Detaje të reja janë zbuluar në lidhje me vrasjen e 28-vjeçares shqiptare Danjela Neza, mbrëmjen e të premtes në Savona të Italisë.
Mediat italiane shkruajnë se shkak është bërë fundi i lidhjes që 28-vjeçarja pati me një 27-vjeçar me origjinë nga Guinea.
Safayou Sow, ish i dashuri i vajzës shqiptare e qëlloi atë me plumb pas koke dhe ishte vetë ai që lajmëroi karabinierët duke i thënë se kishte vrarë ish-të dashurën e tij.
27-vjeçari rezulton një person pa precedent penal, punëtor në kuzhinën e një restoranti në Darsena.
Arma e vrasjes, një pistoletë, gjysmë automatike e kalibrit 22 mm, me numër serie të gërryer, është gjetur në afërsi. Dy gëzhoja u gjetën në tokë pranë trupit të viktimës.
Gruaja që jetonte në Savona dhe punonte në sektorin e kateringut, në të njëjtin vend me vrasësin, kishte pasur krime të mëparshme kundër pronës dhe trafikut të drogës.
Mediat italiane shkruajnë se një fyerje e rëndë e bërë nga 28-vjeçarja ka nxitur zemërimin e burrit me të cilin ajo sapo kishte nisur një lidhje romantike, duke bërë që ai të merrte armën që mbante në bagazhin e makinës dhe ta qëllonte.
Safayou Sow u mor menjëherë në pyetje nga Prokurori Publik Luca Traversa dhe nga drejtuesi i skuadrës së lëvizshme dhe aktualisht ndodhet në burgun Marassi i akuzuar për vrasje dhe mbajtje të armëve pa leje.
Discussion about this post