“Rusia nuk duhet të përfitojë nga ky korridor humanitar për të çuar përpara trupat e saj”, ka paralajmëruar zëvendëskryeministrja e Ukrainës, Iryna Vereshchuk. Ajo tha se qeveria e saj po “verifikonte” informacionin se trupat ruse po përdornin armëpushimin për t’u afruar me pozicionet ukrainase në zonat përgjatë rrugëve të evakuimit, raporton BBC.
“Ne po e përdorim këtë kanal për të evakuuar civilët gra dhe fëmijë si dhe për të dërguar ngarkesa humanitare për ata që kanë mbetur. E gjithë bota po shikon”, tha ajo.
Vereshchuk konfirmoi gjithashtu se Komiteti Ndërkombëtar i Kryqit të Kuq ndërmjetësoi bisedimet për armëpushimin dhe do të kryesojë kolonat e evakuimit përgjatë rrugëve të dakorduara jashtë qyteteve. Armëpushimi është në fuqi rreth qyteteve Mariupol dhe Volnovakha nga ora 09:00 -16:00.
Rreth 90% e qytetit të Volnovakha është dëmtuar nga bombardimet, tha deputeti lokal Dmytro Lubinets, dhe njerëzve që janë fshehur në strehimore po i mbarojnë ushqimet.
Discussion about this post