E gjykojnë për veshjen, ja si i përgjigjet Arbana Osmani

Moderatorja shqiptare, Arbana Osmani vazhdon të mbetet mjaft aktive në rrjetet sociale, ku ndan me ndjekësit momente nga përditshmëria e saj.

Ajo ka zbuluar së fundi përmes postimeve në rrjetet sociale se ndodhet në Itali, së bashku me bashkëshortin e saj, regjisorin Eduart Grishaj.

E teksa po shijon pushimet atje, ajo ka ndarë në rrjetin social “Instagram” një foto të saj, ku shihet me një këmishë lejla dhe një fund të zi me një të çarë në njërën këmbë.

Veshjen e ka kombinuar me një palë sandale me taka, ngjyrë të zezë dhe me një çantë të vogël.

Mesa duket, disa ndjekësve, kjo veshje nuk iu është dukur e përshtatshme.

Dikush e ka gjykuar dhe moderatorja nuk e ka lënë pa përgjigje, duke i dërguar një mesazh pak “ironik”. “Epo kështu e kanë VIP-at, zbulohen në disa pjesë të trupit dhe mbi të gjitha harrojnë dhe shqipen… pak nga pak po humbas respektin që kam pasur me ty… mos harro je nënë e tre fëmijëve…”, i ka shkruar ndjekësja.

“Elsa, një grua mund të ketë dhe 7 fëmijë e prapë të vishet si ti dojë qejfi. Ashtu siç vishet një burrë, të cilit ti kurrsesi s’do ia lije këtë koment”, i është përgjigjur Arbana.

Këtë koment, moderatorja e postoi edhe në “Instastory”, e krahas tij shkruan: “Deri “sa fëmijë” mund të veshësh çfarë të do qejfi?”.