Grabitësit serialë janë kthyer sërish në qytetin e Durrësit. Paraditen e sotme është raportuar një tentativë grabitje ka në zonën e Plazhit, ku burime nga policia bëjnë me dije se një 27-vjeçar ka hyrë me forcë në një banesë dhe pasi ka dhunuar gruan që jetonte me qira, e ka kërcënuar me thikë për t’i marrë paratë. Bëhet fjalë për të arrestuarin e identifikuar me iniciale D.T., i cili është kapur nga forcat policore në shtëpinë me qira të një banoreje me iniciale M. B. I riu ka goditur me grushte dhe nën kërcënimin e një mjeti të mprehtë (thikë), ka tentuar të vjedhë para në shtëpinë e saj.
Pritet që i riu të përballet me akuzën për veprën penale “Vjedhja me dhunë”.Në cilësinë e provës materiale u sekuestruan mjeti i mprehtë (thikë), ndërsa materialet i kaluan Prokurorisë së Rrethit Gjyqësor Durrës.
