Po mbahet seanca gjyqësore për masën e sigurisë ndaj Fatmir Manellarit. Ky i fundit vrau bashkëfshatarin e tij më 7 shtator pasi u konfliktuan për pronat. Ndërkohë Manellai mësohet se e ka pranuar krimin para gjykatës. Ai u arrestua 3 ditë më parë nga Policia e Pogradecit pasi ishte kthyer në banesën e tij në fshatin Gështenjas. Prej gati dy muajsh ai jetonte në një zonë pyjore midis Pogradecit dhe Lozhanit ku fshihej nga policia.
“Nuk e kam bërë vrasjen me dashje. Janë kamerat, ai më sulmoi unë jam vetëmbrojtur. Ai më goditi me gur i pari në kurriz. Ai pasi më goditi me gur ka shkuar të marrë letra në banesë ndërkohë e shoqja ka thirrur duke i thënë vraje atë. Unë jam vetëmbrojtur. Ai më ka goditur i pari. Kjo vërtetohet nga kamerat. Nuk kam pasur thikë, por aty kam gjetur një drapër të vjetër. Ai në këtë kohë më ka kapur në njërën dorë dhe në këtë moment më janë errur sytë.
Ky debat ka 20 vjet. Kur u prish koperativa unë mbajta kovaçanën pasi xhaxhi më kish thënë se ishte jona me tapi të vjetër. Ndërsa këta u futën tek godinat e koperativës. Kur ata kanë bërë ndërhyrje ndër vite më kanë ofenduar vazhdimisht duke më thënë ik ore fshatar”-ka deklaruar Manellari para gjykatës.
Discussion about this post