E goditën 3 herë në qafë, ndërron jetë 42-vjeçari shqiptar në Itali

Një 42-vjeçar shqiptar ka humbur jetën pasditen e djeshme përpara një lokali në Bettola të Italisë. Viktima është Nikolin Nika.

Sipas medieve të huaja, shqiptari është goditur tre herë në qafë me thikë nga një ose më shumë autorë që u larguan nga vendngjarja.

42-vjeçarin e dërguan menjëherë në spital, por fatkeqësisht plagët që kishte marrë rezultuan fatale për shqiptarin.

Përveç ekipeve të shpëtimit, në vendngjarje kanë ndërhyrë edhe karabinierët, të cilët kanë kufizuar vendin e krimit dhe kanë nisur hetimet për kapjen e personit përgjegjës për atë që duket se është një vrasje.

Nuk është e qartë për momentin se çfarë ka ndodhur, po kërkohet ndonjë dëshmitar që mund të japë informacion të dobishëm. Ndër hipotezat që shqyrtohen është ajo e një mosmarrëveshjeje që përfundoi  në një tragjedi.