Detaje edhe më tronditëse rrëfen gazetarja Esmeralda Keta nga tragjedia që ndodhi sot në Himarë. Ishte duke në plazhin Potam të Himarës, ku një vogëlushe 7-vjeçare humbi jetën tragjikisht pasi u përplas nga një gomone në breg të detit. Në një postim në Facebook, gazetarja ka përshkruar me detaje tronditjen e pushuesve nga aksidenti, duke zbuluar se nga paniku askush nuk kishte guxim të nxirrte trupin e viktimës përveç një holandezi që punonte te ndihma e shpejtë.
“Vetëm pak metra larg fëmijëve të mi që po laheshin ne det, një 7-vjeçare e bukur, me kaçurrela te arta, u masakrua nga një skaf… Për të kuptuar se sa dramatike ishte ngjarja, mjafton t’u them se asnjë prej dhjetëra pushuesve nuk guxonte të futej në det e të nxirrte trupin e vogëlushes së pafat, vetëm një holandez qe punonte tek ndihma e shpejte pati kurajon te mblidhte trupin e vogëlushes…. Familja me origjinë nga Tropoja, por që jetonte në Kanada, vetëm dje pasdite kish mbërritur ne Potam për të kaluar pushimet që u kthyen në tragjedi”, rrëfen ajo.
E tronditur nga ngjarja e rëndë ajo zbulon edhe fjalët e të ëmës së vogëlushes 7-vjeçare dhe si ajo mes dhimbjes është bërë gardian i vendit të krimit për të ruajtur provat e krimit që i mori nga duart të voglën e saj.
“Do ta kem të vështirë të shkul nga mendja fytyrën e së ëmës së vogëlushes, teksa një kordon i gjatë pushuesish shkoi të ngushëllonte. E vetmja gjë që mund të bënin ishte t’i jepnim një përqafim e ajo ’u drejtua, kur pa fëmijët e mi: “Shijoni njëri-tjetrin. Mos lejoni hallet t’ju mbysin. Unë e humba përgjithmonë vogëlushen time”. E mbytur në lot dhe mes asaj dhimbje, ajo grua kishte forcë të na thoshte një fjalë të mirë, ndërsa ne nuk ia mbrojtëm dot vogëlushen e saj. Edhe pas 4 orësh nga ngjarja, ajo vazhdon e qëndron ende në skenën e krimit, nga frika se mos e manipulojnë ngjarjen”, ka shkruar gazetarja.
Discussion about this post