Lojtari i Lyon, Rayan Cherki ka zbuluar së fundmi se ëndrra e tij është që në të ardhmen të jetë pjesë e Real Madrid.
Ai është pjesë e ekipit të parë të Ligue 1, pasi debutoi më janar 2020, kur ishte vetëm 16 vjeç. Sezonin e kaluar ai realizoi 27 paraqitje, ku realizoi një gol dhe tre asistime, dhe vlera e tij aktuale e transferimit është përcaktuar në rreth 27 milionë euro.
Francezi ka kontratë me Lyon deri në vitin 2023, por ai tashmë po shikon drejt lëvizjes së tij të ardhshme në karrierë në vitet e ardhshme.
“Rruga e përsosur do të ishte ajo e mëposhtme, të bëj histori me Lyon dhe pastaj ta bëj atë me klube të tjera. Të gjithë e dimë se klubi i ëndrrave të mia është Real Madrid. Të bashkohesh me klubin më të madh në botë do të ishte mirë. Kjo është rruga perfekte dhe ajo që kam në mendje. Çdo mëngjes zgjohem për këtë dhe vazhdoj të përmbush ëndrrat e mia.”-tha lojtari për Diario Sport./Gijotina.com
