Legjenda holandeze e Barcelonës, Ronald Koeman, ka dhënë një intervistë për televizionin “ESPN”, ku ka folur rreth aktualitetit te klubi katalanas.
Dhe siç jemi mësuar me deklaratat e tij që pas largimit nga stoli i Barçës, ai nuk e ka kafshuar gjuhën ndaj drejtuesve. Mes të tjerave ai ka folur për një kthim të mundshëm të Lionel Messit në Barcelonë, duke e quajtur një gjë të tillë pak të mundshme.
Por sipas tij: “Messi po kthehet në një sfidë personale për Laportën. Presidenti i Barcelonës kërkon të shpëtojë nderin e tij, imazhin e tij, sepse ai nga të gjithë njihet si personi që largoi Leon nga klubi”.
Duke qëndruar po te Messi, holandezi ka komentuar: “Nuk besoj se Messi do të kthehet te Barcelona. Busquets do të largohet, Alba me shumë mundësi dhe ai do të ikë dhe të gjithë e dimë se ata të tre janë miq shumë të mirë. Nuk do të habitesha aspak nëse do t’i shihja të tre së bashku në Majami ose në Arabinë Saudite”.
Discussion about this post