Deputeti Xhelaxh Mziu u shfaq krah Lulzim Bashës këtë të Mërkurë gjatë një takimi me demokratë në Dibër. Lidhur me zgjedhjet, Mziu vlerësoi “platformën Basha”, por tha se PD humbi pasi kryeministri tjetërsoi votat.
“Platforma Basha e 25 Prillit, prishi mendjen jo vetëm të demokratëve, jo vetëm të njerëzve pa parti, por edhe të socialistëve. E kishim shumë të lehtë fushatën. Jam i sigurt që do kishim marrë një rezultat dhe më të mirë. Ne se morëm rezultatin që meritonin në Shqipëri se maskarada elektorale që përdori Edi Rama ishte më e keqja e këtyre 30 viteve. Nuk la asnjë instrument ligjor apo antiligjor, para krimi, droge apo korrupsioni pa përdorur. Nuk la kriminelë, nuk la madje as faktorë të tjerë të brendshëm apo të jashtëm, por që ishin pjesë e skeçës që tjetërsuan votës” – tha Mziu.
Ai tha se ne jemi në opozitë për shkak të një kryeministri kriminel që e ka kthyer Shqipërinë në një geto.
Maziu shtoi se koha e Ramës do të marrë fund dhe “këtë mund ta realizojë vetëm platforma Basha që mbeti pa u realizuar për shkak të maskaradës elektorale të Ramës”.
Kemi vetëm një kundërshtar – Ramën, shtoi ai, ndërsa bëri apel për bashkim të demokratëve.
Discussion about this post