Eksperienca në “Big Brother Vip Albania” ka qenë e paharrueshme për Valbona Memën. Këngëtarja ishte një ndër pjesëmarrëset e edicionit të dytë e cila u dallua për harmoninë e sjellë në shtëpinë më të famshme.
Në një intervistë të dhënë së fundmi për “Pushime On Top”, këngëtarja ka treguar se ajo çfarë i mungon më shumë nga ajo eksperiencë është mëngjesi, kur ngrihej për të pirë kafen, duke kënduar.
Pavarësisht se mban marrëdhënie të ngushta me të gjithë ish-konkurrentët, Valbona shprehet se e ka marrë malli për përqafimet e banorëve.
“Më ka marrë malli për gatimet, të cilat banorët i hanin dhe më falenderonin. Më ka marrë malli për gjithçka, për të mirat dhe të këqijat“, tregoi Valbona.
Sa i përket planeve për të ardhmen, artistja ka treguar se dëshiron të bëjë një koncert të madh, në stadium ose në shesh.
Discussion about this post