Vëllai i viktimës në Durrës, Pëllumb Metës, i cili u vra nga fëmijët e tij në Shënavlash, tha se vëllai i tij ka ushqyer kriminelë dhe vrasës.
Ramazan Meta ka drejtuar gishtin ndaj kunatës së tij, Blerina Meta, duke u shprehur se ajo është autore e krimit makabër
Ai shtoi se i vëllai Pëllumb Meta është vrarë në gjumë, në pabesi të plotë.
Sipas tij, Pëllumbi përpiqej së tepërmi për fëmijët, duke bërë punë të ndryshme, ndërsa u vra në një mënyrë makabre.
“Nuk di që vëllai im të ketë qenë konfliktual në familjen e tij. Fjalë do bëjmë të gjithë, por jo konflikte të mëdha. Edhe sikur vëllai im të ishte konfliktual, kjo nuk bëhet. Në gjumë e kanë vrarë, se nuk kishte takat ajo kriminele (kunata) ta bënte atë punë. Vëllai im ka jetuar mes kriminelëve. Ai përpiqej për fëmijët e tij, duke punuar ku të gjente dhe ja si ja shpërblyen. Vëllai im ushqeu kriminelët. Ngjarja është bërë me paramendim. Këta kanë punuar me vite për këtë krim. Derisa u bë ajo makabër, ata tani mund të thonë çfarë të duan. Fillimisht e mori goca, pastaj e mori djali, tani e kthejnë prap tek vajza.Hetuesit të bëjnë hetimet mirë dhe ta zbulojnë ngjarjen”, u shpreh ai.
I vëllai i 50-vjeçarit tregoi edhe bisedën me djalin e vogël të viktimës, Amarildon, pas zhdukjes së tij.
“E kam marrë në telefon, e kam pyetur ça bën ‘në punë’. E kam marrë një ditë me makinë, ishte shumë gjakftohtë, Thoshte ishalla është gjallë, ata e paskan rehatuar”, rrëfeu ai.
Vrasja ndodhi më 10 shkurt, por u zbulua vetëm më 22 shkurt kur u gjet trupi i groposur i Pëllumb Metës në kasollen pranë banesës. Djali i tij i madh, Hysen Meta, i cili dyshohet se autor i vrasjes e denoncoi të zhdukur.
Tre fëmijët, Hyseni, Hygerta Meta dhe Amarildo Meta dolën të hënën (26 shkurt) para gjykatës dhe ndaj tyre u caktuar masa e sigurisë “arrest me burg”.
19-vjeçarja ka marrë përsipër krimin, duke deklaruar se e ka vrarë ajo të atin, ndërsa djali i madh fillimisht e pranoi autorësinë, por ndryshoi dëshminë në gjyq duke ia hedhur fajin të motrës.
Discussion about this post