Luiz Ejlli ka zbuluar artistin e dytë me të cilin do të sjellë bashkëpunimin e radhës pas atij me Donald Veshajn të publikuar menjëherë pas daljes nga BBV.
Luizi edhe brenda shtëpisë së Big Brother nuk e ka fshehur pëlqimin që ka për disa artistë shqiptarë.
Mes tyre ai ka përmendur emra si Elvana Gjata, Noizy apo Getoar Selimi. Madje ka thënë se do dëshironte edhe bashkëpunim me ta.
Gjatë një koncerti në qytetin e tij të lindjes në Shkodër, Luizi ndau lajmin me fansat e shumtë që ishin mbledhur për ta ndjekur nga afër.
“Kam bashkëpunimin e parë që do jetë me dikë që e kam adhuruar gjithmonë, tërë jetën, me Getoarin,” tha Luizi.
Discussion about this post