Këngëtarja Bafte Shala ka surprizuar me deklaratën ndaj Taynës, teksa ka treguar se reperja është vajza e xhaxhait të saj. Ajo është shprehur se nuk ka marrë mbështetjen e saj për t’u bërë pjesë e muzikës. Këtë deklaratë ajo e ka bërë gjatë një interviste për televizionin T7.
“Doruntinën e kom familjare, e kom vajzë të axhës. Kom raport të pastër familjar me to, mirëpo mbështetje nuk kom pas. Jam një tip që gjithçka kom qejf me e arrit me forcat e mia. Normal, këshillat janë të nevojshme për çdo njeri”, ka deklaruar ajo.
E pyetur nëse ka marrë ndonjë këshillë nga Tayna sa i përket industrisë së muzikës, Shala është përgjigjur se kjo nuk ka ndodhur. “Jo, ajo jo, por nga kolegë të ndryshëm po”, ka deklaruar ajo. Kujtojmë që projekti më i fundit i Baftes është “Hala t’du”.
Discussion about this post