Artur Kurti, babi i 32-vjeçarit që vdiq pas shoqërimit nga policia, Lear Kurtit, ka folur për ngjarjen e rëndë që i ndodhi djalit të tij në ambientet e Komisariatit.
Në një intervistë për Top Channel, Artur Kurti ka hedhur akuza të forta se djali i tij është mbytur duke thënë se ende se nuk e ka parë ende trupin e Laerit.
Babai: Nuk e kam parë trupin e djalit, Kam qenë gjithë natën jashtë morgut dhe sot dhe nuk më kanë dhënë asnjë lloj shpjegimi.
A të kanë kontaktuar autoritetet?
Babai: Cilat autoritete? Ato që e kanë mbytur?! Ku ka ktu shtet. Gjeta ata të SHKB-së aty më thanë nuk dimë gjë, kur të bëhen ato… nga ora 10:00 ose 11:00 do të të themi.
Të thanë çfarë ka ndodhur?
Babai: Jo s’më dhanë asnjë përgjigje.
Ku ishte Laerti?
Babai: Në rrugë të Zotit ka qenë o motra ime. Nuk ka qenë asnjë person i rrezikshëm për ta trajtuar në ato lloj formash.
A ka pasur djali yt probleme shëndetësore?
Babai: Jo asgjë. Djali ka qenë 2 metra si luan.
Discussion about this post