Një rast i grabitjes së shpendëve, që u regjistrua mbrëmjen e 25 shkurtit në qytetin e Kuçovës, ka përfunduar tragjikisht për 54-vjeçarin, i cili në gjendje të dehur hyri për vjedhur në një banesë të zonës.
Mësohet se Lefter Brisku ka ndërruar në spitalin e “Traumës” në kryeqytet, aty ku ishte shtruar për t’u trajtuar me ndihmë mjekësore të specializuar, pas ngjarjes së 1 jave më parë.
Ngjarja
Kujtojmë se mëngjesin e të dielës 26 shkurt uniformat blu në një njoftim të shpërndarë për mediat bënin me dije se “në lagjen ’11 Janari’ shtetasi L.B., 54 vjeç, dyshohet se ka hyrë për të vjedhur në banesën e shtetasit B.Sh., 22 vjeç, banues në Kuçovë”.
Më tej në njoftim thuhej se qendra operative e policisë ishte njoftuar nga pronari i banesës se një person kishte hyrë për t’a vjedhur dhe se grabitësi kishte nevojë për ndihmë mjekësore.
Pas sinjalizimit policia mbërriti në vendngjarje, ku mësuan se 54-vjeçari Lefter Brisku kishte dështuar në misionin e tij për t’u larguar nga banesa, ku kishte hyrë për të vjedhur pak pas mesnate
Kjo pasi ishte përballlur me pronarin e shtëpisë, i cili e kishte kapur “mat” në oborr, me thesin e pulave që sapo kishte vjedhur në kotec.
Kjo pasi ishte përballlur me babain e 22-vjeçarit, që është pronari i shtëpisë, i cili e kishte kapur “mat” në oborr, me thesin e pulave që sapo kishte vjedhur në kotec.
Pasi u zbulua, 54-vjeçari është dhunuar nga i riu me inicialet B.Sh., i cili u sinjalizua nga i ati për grabitjen. Hajduti, i cili mendohet se ka qenë në gjendje të dehur, ka pësuar fraktura të forta në kokë.
Në vendin e ngjarjes mbërriti dhe ambulanca, e cila transportoi 54-vjeçarin drejt spitalit të Kuçovës, ku edhe iu dha ndihma e parë.
Më pas grabitësi është transportuar drejt spitalit të Beratit. Duke parë gjendjen e tij të rënduar nga dhuna që ishte ushtruar, mjekët kanë autorizuar dërgimin e tij drejt spitalit të Traumës për ndihmë të specializuar, aty ku edhe ndërroi jetë.
Sipas raportimeve mediatike, fqinjët e viktimës se Lefter Brisku dhe e shoqja nuk kanë pasur probleme ekonomike, por 54-vjeçari ka precedentë të mëparshëm penalë.
Discussion about this post