Aktorja Arjola Demiri ka rrëfyer në “Big Brother VIP” se si ish-bashkëshorti e tradhtoi për gjashtë vite me radhë. Artistja prej katër vitesh është një nënë e divorcuar, e fokusuar tek karriera dhe tre fëmijët e saj.
Gjatë bisedës me Ilir Shaqirin në dhomën ku po realizonin lojën e javës, ajo tha se është përpjekur për gjashtë vite me radhë që të rregullojë problemet që ka pasur me ish-bashkëshortin saj për ta bërë martesën të funksiononte.
Ajo tha se e kishte mësuar këtë gjë nga një mikesha e saj por vetëm pas disa kohësh mundi ta besonte vërtet.
“E kapërdiva për gjashtë vjet me radhë! Gjashtë vjet! Nuk mund ta besoja që personi që po më lutej mua të mos e tradhtoja, më tradhton vetë’’,- tha ajo.
Më tej aktorja tregoi se e kishte falur këtë veprim për 6 vite por gjërat sa vinin dhe përkeqësoheshin.
‘’Në fillim mendova se ishte mërzitur për faktin se fëmija i parë na doli vajzë dhe për këtë arsye tentova edhe dy shtatzënitë e tjera. Por ishte e kotë’’,- shtoi ajo.
Më herët, artistja ka treguar se një ndër arsyet e tjera të divorcit nga ish-bashkëshorti, ka qenë edhe dhuna e ushtruar ndaj saj.
