Një hetim i përbashkët nga Dossier Center, CNN, Süddeutsche Zeitung, Westdeutscher Rundfunk dhe Norddeutscher Rundfunk ka zbuluar se treni i blinduar i përdorur nga Vladimir Putin do t’u kushtojë pa dijeninë taksapaguesve rusë, shumën astronomike prej 75 milionë dollarësh.
Hetimi studioi dokumentet e Shërbimit Federal të Mbrojtjes (FSO), Hekurudhave Ruse dhe kompanive shtetërore të lidhura me to.
Kompania Zirkon Service, e cila realizoi projektin, pajisi vagonin e “pasagjerit kryesor” (një term i përdorur nga CEO i kompanisë Vladimir Lulaev për t’iu drejtuar Vladimir Putinit) me një hamami dhe një sallon bukurie.
Kompania gjithashtu planifikon të ndërtojë vagonë që do të përmbajnë një bar, sallë pritjeje dhe hapësira për ngjarje.
Hetimi zbuloi gjithashtu se Zirkon ka punuar gjatë viteve të fundit për të ndërtuar një makinë speciale sportive dhe fitnesi për presidentin.
Direktiva për ndërtimin e një treni u dha nga kreu i Hekurudhave Ruse, Oleg Belozerov, në mars 2017, me miratimin e udhëheqjes së FSO.
Discussion about this post