Ndërkohë që të gjithë jemi në pritje që të hapet rruga e negociatave për Maqedoninë e Veriut dhe rrjedhimisht për Shqipërinë, ka ardhur një deklaratë e fortë nga Bullgaria.
Presidenti bullgar Rumen Radev ka thënë ditën e stome se vendi i tij nuk do të pranojë asnjë ultimatum në bisedimet midis Shkupit dhe Brukselit për anëtarësimin e Maqedonisë së Veriut në Bashkimin Europian. “Është jashtëzakonisht e pavend dhe e kotë t’i jepen ultimatume Bullgarisë,” tha Radev. Radev këmbënguli se duhet të plotësohen kushtet për fillimin e bisedimeve për anëtarësim. Vetoja preku edhe fillimin e bisedimeve të BE-së me Shqipërinë, pasi dy vendet ndjekin një rrugë të përbashkët.
Presidenti bullgar foli gjithashtu për presion të jashtëm, siç e quajti ai ndaj Bullgarisë dhe akuzoi Maqedoninë e Veriut për “shkelje të të drejtave të njeriut” nga bullgarët etnikë, “shkelje të kritereve të Kopenhagës dhe gjuhë të urrejtjes”. Sofja vuri veton në fund të vitit 2020 për fillimin e bisedimeve për anëtarësimin e Maqedonisë së Veriut në BE, duke argumentuar se Shkupi nuk po zbaton një traktat dypalësh të nënshkruar në 2017.
Discussion about this post