Seanca e sotme parlamentare është shoqëruar me debate dhe tensione mes mazhorancës dhe opozitës, por nuk kanë munguar as ironitë.
Sekretari i Përgjithshëm i PD, Flamur Noka tha se “ky parlament është zegjinizuar”, duke iu referuar këtu deputetes së PS, Zegjine Çaushi.
Po ashtu Noka bëri edhe një replikë me socialistin, Ardit Bido, duke thënë se “kur dëgjon atë parafolësin të vjen turp që je në këtë sallë ai vjen herë me ilaçe të pira herë të pa pira”.
“Faleminderit nuk thë thëm dot sepse e e ke drejtuar këtë seancë në mënyrën më të turpshme të mundshme. Ky Parlament siç e shihni është për turp e faqe të zezë. E kemi poshtëruar këtë parlament në atë shkallë saqë qytetarëve u vjen turp kur ju shohin. I njihni proceset e transformimit, e keni zegjinizuar këtë Parlament. E dini cdo të thotë zegjinizim? Dmth kur dëgjon atë parafolësin të vjen turp që je në këtë sallë ai vjen herë me ilaçe të pira herë të pa pira. Kur ishim ne në pushtet, njëherë ma silltë Shpëtim Idrizin si çam, njëhëerë ma sillte Vangjel Dulen si grek, herë ma sillnin si lab dhe kur më thanë që është këtu kam thënë, ore ca është ky njeri ser nuk e di. E kuptoni çfarë i keni bërë këtij Parlamenti. Ka 4 muaj që shqiptarët presin që këtu të jepni një shembull të asaj që keni thënë në Kuvend para 13 vitesh kur Rama thoshte do t’i japim fund pandëshkueshmërisë, por ju përzhiti e zvarriti Belinda që të vini në këtë ditë të gjithë të gjunjëzuar e poshtëruar para saj rrini këtu. Rrini këtu si të jeni eunukë në pallatin e një sulltani”, tha Noka.
Ndërkohë kryetari i Kuvendit ia dha fjalën për replikë Zegjine Çaushit, por bëri një lapsus, duke ngatërruar fjalën replikë me “republikë”
“Zonja Zegjini Çaushi e ka marrë fjalën për “republikë””, tha Peleshi.
Ndërsa Zegjini Çaushi në fjalën e saj, akuzoi Nokën se kur ka qenë në Entin e Banesave u ka marrë shtëpitë të pastrehëve dhe ia ka dhënë familjarëve të vet. Ajo iu drejtua deputeti demokrat duke i thënë se “ty hakut të vjen vetëm Gazment Bardhi”.
“Nuk e di si vjen ky zotëria këtu, si është kaq i paturp, sepse ky duhet të jetë i fundit që duhet të vijë këtu dhe të flasë për korrupsion. Ky ka qenë tek Enti i Banesave dhe banesat e të pastrehëve ua ka dhënë familjarëve të tij, duke filluar nga shtëpia e vet, nga vëllëzerit, motrat dhe tek kunatat e veta, greke, rumune e bullgare. Ty Muli hakut të vjen mirë nga partia dhe ai është Gazi, ai ta ka treguar vendin aty ku të ka kallëzuar”, tha Çaushi.
Discussion about this post